നിസ്കാരത്തിന്റെ പൂർണ്ണതക്ക് വിഘാതമാവുന്ന കാര്യങ്ങളാണ് കറാഹതുകൾ. അതിനാൽ അത്തരം കാര്യങ്ങൾ ഒഴിവാക്കുകയാണ് വേണ്ടത്. എന്നാൽ അവ പ്രവർത്തിക്കുന്നത് നിസ്കാരത്തിന്റെ സ്വീകാര്യതക്ക് തടസ്സമാകുന്നതല്ല. നിസ്കാരത്തിലെ ചില കറാഹത്തുകൾ താഴെ കൊടുക്കുന്നു.

1. മുകളിലേക്കോ ഇരുവശങ്ങളിലേക്കോ

നോക്കൽ

2.നിസ്കാരം വേഗത്തിലാക്കൽ

3.നിസ്കാരത്തിന് ഇനിയും സമയം ബാക്കി നിൽക്കെ മലമൂത്ര വിസർജനം ഉദ്ദേശിക്കുന്ന വ്യക്തി അവ തടഞ്ഞു വച്ച് നിസ്കരിക്കൽ

4.അകാരണമായി ചാരിനിന്ന് നിസ്കരിക്കൽ

5. അമിതമായി ഉറക്കം വന്ന അവസ്ഥയിൽ നിസ്കരിക്കൽ.

6. റുകൂഇൽ തലയും പിരടിയും സമമായി വെക്കാതെ ഉയർത്തുകയോ താഴ്ത്തുകയോ ചെയ്യുക.

7.സുജൂദിൽ മൂക്ക് വെക്കാതിരിക്കുക.

8.അവസാനത്തെ അത്തഹിയ്യാത്തിനും സ്വലാത്തിനും ശേഷം ദുആ ചെയ്യാതിരിക്കുക.

9.തലയും തോളും മറക്കാതെ നിസ്കരിക്കുക.

10.വസ്ത്രം ചുരുട്ടി വെച്ച് നിസ്കരിക്കുക.

11. നജസിന്റെ സമീപത്തായി നിസ്കരിക്കുക.

12.പതുക്കെ ഓതേണ്ട നിസ്കാരത്തിൽ ഉറക്കെയും അതിനു വിപരീതവും ചെയ്യൽ.

13.ഒറ്റക്കാലിലൊ ഒരു കാൽ മുമ്പോട്ടു വെച്ചോ നിൽക്കൽ .

നിസ്ക്കാരം ഒഴിവാക്കേണ്ട സ്ഥലങ്ങൾ

1.സഞ്ചരിക്കുന്ന വഴികൾ 

2. അറവുശാലകൾ 

3.അന്യമതസ്ഥരുടെ ആരാധനാലയങ്ങൾ

4.ശ്മശാനം 

5.കള്ളുകുടി പോലോത്ത ദുഷ്കൃത്യങ്ങൾ നടക്കുന്ന സ്ഥലം 

6.ബാത്റൂം